महिलाहरुलाई ‘हेफर आधारशिला’ तालिम सम्पन्न

वालिङ – स्याङ्जामा महिलाहरुलाई हेफर आधारशीला तालिम सम्पन्न भएको छ ।

वालिङ नगरपालिकाका महिलाहरुलाई व्यवहार परिवर्तन तथा सकारात्मक सोचको विकासका लागि हेफर आधारशीला तालिम दिईएको हो । कृषि र पशुपालनबाटै पालिकावासीलाई आत्मनिर्भर बनाउने उद्देश्यले गठन गरिएका स्वावलम्वी कृषक महिला समूहका सदस्यहरुलाई तालिम दिईएको वालिङ नगरपालिकाका प्रमुख कृष्ण खाँणले जानकारी दिए ।

वालिङ नगरपालिका वडा नं. २ मा भएको तालिमकोे समापन गर्दै नगर प्रमुख कृष्ण खाँणले महिलालाई उद्यमशीलतामा जोड्न लागिएको बताए । उनले भने “महिलालाई आर्थिक रुपमा सवल बनाउन माटो सुहाँउदो खेती आवश्यक छ ।” सकारात्मक सोचका साथ काम गर्ने हो भने सफलता सहजै प्राप्त हुने उनकोे भनाई छ ।

वालिङ नगरपालिकाका वडा नं.१ देखि ७ सम्म सञ्चालन भईरहेको परियोजनामा एक हजार ६ सय महिला आवद्ध रहेका छन् । जसमा ५६ वटा समूह गठन भएको परियोजनाले जनाएको छ ।