काठमाडौंमा गुडिरहेको बसमा आगलागी

काठमाडौं – काठमाडौंमा गुडिरहेको बसमा आगलागी भएको छ ।

बिहिवार, दिँउसो कलंकीबाट थानकोटतर्फ जाँदै गरेको बा.प्र.०३–०१–००५ ख ९७८६ नम्बरको यात्रुबाहक बसमा आगलागी भएको हो । चन्द्रागिरी नगरपालिका–१५ ढुंगेअड्डामा बसको फाइबरमा तार सर्ट भएर आगलागी भएको प्रहरीले जनाएको छ ।

जिल्ला प्रहरी परिसर काठमाडौंका एसपी तथा प्रवक्ता अपील राज बोहराका अनुसार पाँचपोखरी यातायातको सार्वजनिक बसमा आगलागी भएपछि चन्द्रागिरी नगरपालिकाबाट दकमल मगाएर नियन्त्रणमा लिइएको हो ।

आगलागीबाट बस पूर्ण रुपमा जलेको छ । यद्धपी मानवीय क्षती भने हुन नपाएको एसपी बोहराले जानकारी दिए ।