एकीकृत समाजवादी कोशी प्रदेशको अध्यक्षमा सरिता खड्का

ईटहरी – नेकपा (एकीकृत समाजवादी) कोशी प्रदेश कमिटीको अधिवेशनबाट सरिता खड्का सर्वसम्वत अध्यक्ष पदमा निर्वाचित भएकी छन् ।

अधिवेशनले खड्काको नेतृत्वमा १६८ सदस्यीय नयाँ नेतृत्व चयन गरेको छ । सचिवमा दलशेर राई निर्वाचित भएका छन् । दुई उपाध्यक्ष रहने पाटीको विधानमा भए पनि अधिवेशनले उपाध्यक्ष भने छानेको छैन।

तीन उपसचिव मध्ये एक जना भने पछि छान्ने गरी दुई जना छिरिङ लामा र दलिततर्फ उमा शङ्कर चयन भएका छन् । महिला उपसचिव भने खाली छोडिएको छ।

एकीकृत समाजवादी कोशी प्रदेश अधिवेशन : सहमतीमै नयाँ नेतृत्व ल्याउने प्रयास

अध्यक्ष चयन भएकी खड्का यसअघि प्रदेश कमिटीको उपसचिव थिईन् ।