रवि लामिछाने र छवीलाल जोशीलाई थुनामा पठाउने आदेश

बुटवल – उच्च अदालत तुलसीपुरको बुटवल इजलासलेरास्वपाका सभापति रवि लामिछानेलाई थुनामा पठाउने आदेश गरेको छ ।

सुप्रिम सहकारी ठगी र संगठित अपराधसम्बन्धी कसुरमा लामिछानेलाई थुनामा पठाउने आदेश गरेको हो । उच्च अदालत तुलसीपुर, बुटवल इजलासका न्यायाधीशद्वय रमेश ढकाल र स्वीकृति पराजुलीको इजलासले लामिछानेलाई धरौटीमा छाड्ने जिल्ला अदालत रुपन्देहीको आदेश बदर गर्दै लामिछानेलाई थुनामा पठाउने आदेश गरेको उपरजिस्ट्रार हरिगोपाल ज्ञवालीले जानकारी दिए ।

ज्ञवालीका अनुसार लामिछानेसँगै गोरखा मिडिया नेटवर्कका तत्कालीन सञ्चालक छविलाल जोशीलाई पनि थुनामा पठाउने जिल्ला अदालतको आदेश पनि उच्चले सदर गरेको छ । सुप्रिम सहकारीमा रवि, छवि र गितेन्द्रबाबु (जीबी) राईसहित ४२ जनाको संलग्नतामा सहकारीको ५५ करोड बढी रकम अपचलन भएको र रवि, छवि र जीबीले मात्र छुट्टै १० करोड ९९ लाख ३६ हजार रकम अपचलन गरेको पूरक अभियोगसहितको मुद्दामा रूपन्देही जिल्ला अदालतले रविलाई १ करोड धरौटीमा छाडेको थियो । सोही मुद्दामा छविलाल जोशीलाई भने पुर्पक्षका लागि थुनामा पठाएको थियो ।