अदालतले राज्य चलाउन थालेको सांसद पाण्डेको आरोप

काठमाडौं – नेकपा (एकीकृत समाजवादी)का सांसद राजेन्द्र प्रसाद पाण्डेले अदालतले राज्य चलाउन थालेको आरोप लगाएका छन् ।

आज सोमबार प्रतिनिधि सभा बैठकको विशेष समयमा बोल्दै पाण्डेले सरकारले बनाउने मापदण्ड अदालतले बनाउन थालेको बताएका हुन् । ‘सरकारले बनाउने मापदण्ड अब अदालतले बनाउन थाल्यो । अब अदालतले नै राज्य चलाउन थाल्यो, यो उचित भएन । अदालतले आफ्नो सीमा बुझेर काम गर्न जरुरी छ,’ उनले भने । 

अदालतले मुआब्जा दिनु भने पनि कहाँको रकमले दिने भनी प्रश्न सोध्दै अदालतको फैसलाविरुद्ध पुनरावलोकनमा जान सरकारलाई आग्रह गरे । पाण्डेले अदालतले आफ्नो सीमा बुझेर काम गर्नुपर्ने पनि बताए ।