मुग्लिन नजिकै पहिरो खसेपछि पृथ्वी राजमार्ग अवरुद्ध

चितवन – चितवनको मुग्लिन नजिकै पहिरो खसेपछि पृथ्वी राजमार्ग अवरुद्ध भएको छ ।

इच्छाकामना गाउँपालिका वडा नम्बर ४ स्थित मुग्लिन नजिकैको नाग्दी खोला भन्ने स्थानमा ढुङ्गासहितको पहिरो खसेर सडक अवरुद्ध भएको हो । प्रहरीका अनुसार अहिले दुई तर्फी नै सडक अवरुद्ध छ । 

सडक अवरुद्ध हुँदा सवारी साधन र यात्रुहरू बीच बाटोमै रोकिएका छन् । जिल्ला प्रशासन कार्यालय चितवनका अनुसार अहिले पहिरो पन्छाएर सडक खुलाउने प्रयास भइरहेको छ ।