सीआईबी प्रमुखमा दिपक थापा : किरण बज्राचार्यलाई उपत्यकाको जिम्मेवारी

काठमाडौं – नेपाल प्रहरीका ४ अतिरिक्त महानिरीक्षकको सरुवा भएको छ ।

मङ्गलबार बसेको मन्त्रिपरिषद् बैठकले केन्द्रीय अनुसन्धान ब्युरो सीआईबीमा दीपक थापा, उपत्यका प्रहरी कार्यालयमा किरण बज्राचार्य, प्रदेश समन्वय विभागमा श्यामलाल ज्ञवाली र कार्य विभागमा रामदत्त जोशीलाई सरुवा गरेको हो ।

यसअघि ज्ञवाली सीआईबी प्रमुख थिए भने थापा उपत्यका प्रहरी कार्यालयमा थिए । बज्राचार्य प्रहरी प्रधान कार्यालयमा थिइन् त्यस्तै जोशी हालै बढुवा भएका हुन् ।