उपचारका लागि भर्ना गरिएका कैदी अस्पतालबाटै फरार

विराटनगर – बिरामी भएपछि उपचारका लागि कोशी अस्पताल भर्ना गरिएका कैदी अस्पतालबाटै फरार भएका छन् ।

आज बिहीबार बिहान सवा ५ बजे जिल्ला कारागार मोरङमा कैद सजाय भुक्तान गरिरहेका २४ वर्षीय आर्यन खान भनिने मोहमद अहमद शाौचालय जाने क्रममा अस्पतालबाटै फरार भएका हुन् । अस्पताल निगरानीमा खटाइएका प्रहरीलाई धकेलेर लडाउँदै उनी फरार भएको प्रहरीले जनाएको छ ।

कारागारका निमित्त जेलर तुलसी पौडेलका अनुसार पेट दुख्ने समस्याका कारण बिरामी परेका अहमदलाई मंगलबार उपचारका लागि कोशी अस्पताल भर्ना गरिएको थियो ।