निर्वाचन आयुक्तमा प्रस्तावित कृष्णमान प्रधानले नाम फिर्ताका लागि गराए निवेदन दर्ता

काठमाडौं – निर्वाचन आयोगको आयुक्तमा सिफारिस भएका कृष्णमान प्रधानले नाम फिर्ताका लागि निवेदन दर्ता गराएका छन् ।

संसदीय सुनुवाइ समितिले आफुलाई अस्वीकृत गर्ने लगभग निश्चित भएको सुँईको पाएपछि प्रधानले आफ्नो नाम फिर्ताका लागि संसदीय सुनुवाइ समितिको सचिवालयमा निवेदन दिएको श्रोतले बताएको छ । प्रधानले स्वयम् सचिवालयमा उपस्थित भई आफ्नो नाम फिर्ता लिन निवेदन दर्ता गराएका हुन् ।

प्रधानमाथि एक महिलालाई यौन शोषण गरेको उजुरी संसदीय समितिमा उजुरी परेको थियो । समितिमा प्रधानको सुनुवाइ सकिइसकेको छ ।