आज राष्ट्रिय स्वतन्त्र पार्टीको केन्द्रीय विभाग प्रमुखहरुको बैठक बस्ने

काठमाडौँ – राष्ट्रिय स्वतन्त्र पार्टीको केन्द्रीय विभाग प्रमुखहरुको बैठक आज बस्ने भएको छ । बिहान  १०:३० बजे पार्टी केन्द्रीय कार्यालय वनस्थलीमा बस्ने बैठकमा पार्टी सभापति रवि लामिछानेले अध्क्षता गर्नेछन् । रास्वपामा हाल ३८ वटा केन्द्रीय विभागहरु रहेका छन् ।

बैठकमा विभाग प्रमुखहरुले विभागको प्रगति समीक्षा पेश गर्दै  विभागको समस्या, चुनौति के छन् र भावि योजना के छ भन्ने कुरा संक्षिप्तमा राख्ने जनाइएको छ । केन्द्रीय विभागमा प्रमुख एकसहित उपप्रमुख, सचिव, सदस्यहरु गरी ११ जना रहने व्यवस्था छ । त्यस्तै प्रदेश विभागमा नौ जना र पालिका विभागमा सात जना रहने व्यवस्था रहको रास्वपाले जनाएको छ ।

रास्वपाले भातृसंगठन नबनाउने, पेशागत योग्यतालाई कदर गरी पेशागत क्षेत्रमा राजनीति नगर्ने रणनीति लिएको रास्वपाले त्यो क्षेत्रका नीतिगत समस्याहरु विभागहरुमार्फत सिधै केन्द्रीय समितिमा बुझ्ने र समाधान खोज्ने नीति अख्तियार गरेको छ ।