२०८१ भाद्र २३, आईतबार
काठमाडौँ – ७ मंसिरबाट प्रदर्शनमा आउने फिल्म ‘तेल भिसा’को छायांकन ३५ दिनमा सकिएको छ । यो फिल्मको ७० प्रतिशत अमेरिका र ३० प्रतिशत नेपालमा भएको थियो ।
यसको पहिलो चरणको छायांकन अमेरिकामा भएको थियो ।फिल्मको इन्डक्याप चितवनमा भएको हो । अन्तिम छायांकनमा भरतपुर महानगरपालिकाकी मेयर रेणु दाहालसमेत उपस्थित थिइन् । उनले चितवनमा छायांकन गरेकामा धन्यवाद र फिल्म सफलताको शुभकामना दिइन् ।
यो फिल्मबाट शंकर घिमिरे १२ वर्षपछि निर्देशनमा फर्किएका हुन् । त्यस्तै नायिका ऋचा घिमिरेको पनि यो कमब्याक फिल्म हो । अमेरिकामा बस्दै आएकी उनी १० वर्षपछि अभिनयमा फर्किएकी हुन् ।
मैत्री मूभि मेकर्सले यो फिल्ममा ठुलो लगानी गर्दैछ । फिल्म छिट्टै प्रदर्शनमा आउने बताइएको छ । यो फिल्ममा अभिनेता विपिन कार्की दोहोरो भूमिकामा देखिँदै छन् । फिल्ममा विपिन र ऋचासहित वर्षा राउत, पूजा लामा र बुद्धि तामाङको मुख्य भूमिका रहेको छ । वेलडन क्रियसनको व्यानरमा ऋचा घिमिरेको प्रस्तुति रहेको फिल्ममा अनिल पाण्डे र शिवराज कार्कीको लगानी रहेको छ ।
नयाँबानेश्वर काठमाण्डौ, नेपाल
01-5705310
सुचना तथा प्रशारण बिभाग दर्ता नं. : - २८३२ - ०७८/७९
Editor-in-Chief :
Bibek Aryal 9841065149
Desk Editor : Haribahadur Baniya
: Bikash Rauniyar