२०८१ भाद्र २३, आईतबार
काठमाडौँ – फिल्म ‘बेहुली फ्रम मेघौली’ नयाँ गीत सार्वजनिक भएको छ । फिल्ममा समावेश ‘उडायो मन’ बोलको गीत रिलिज गरेको हो । यो गीत जयन जे वाइवाले तयार पारेका हुन् । गीतको सगीतसँगै शब्द र ऐरेन्ज पनि वाइवाकै हो । गीतमा इन्द्रकला राईको स्वर छ ।
यस्तै गीतमा नेपाली भाषासँगै थारु भाषाको गीतसमेत मिश्रण गरिएको छ । सो गीतका मूल सर्जक केशवराज महतो हुन् । थारु शब्दको पुनर्लेखन अशोक थनेतले गरेका हुन् । गीतको भिडिओमा सिनेमाकी शीर्ष अभिनेत्री स्वस्तिमा खड्का मुख्यरुपमा फिचर भएकी छन् । उनका अलावा सिम्रिक खड्का तथा निश्चल बस्नेत फिचर भएका छन् । गीतको कोरियोग्राफी शेखर घर्ती मगरले गरेका हुन् ।
सिनेमामा निश्चल र स्वस्तिमाका अलवा बसुन्धरा भुषाल, बिजय बराल, सिमरन खड्का, लोकेन्द्र लेखक, रक्षा थापा, सिरु बिष्ट, आमिर गौतम, शिशिर सिवाकोटी, टीका पहारी, प्रभाकर शर्मा, लुनिभा तुलाधर, मुकुन्द मैनाली र रामबाबु रेग्मीको अभिनय रहेको छ । सिनेमामा केशव पाण्डे र लक्ष्मण पाण्डेको स्टील फोटोग्राफी रहेको छ ।
ब्ल्याक हर्स पिक्चर्स र मेघौली फिल्मस्को ब्यानरमा निर्माण भएको सिनेमामा साजन काफ्ले र आकाश बरालको लेखन तथा निर्देशन रहेको छ । यो उनीहरुको डेव्यु निर्देशकीय सिनेमा हो । अभिनेत्री स्वस्तिमा खड्कालाई निर्माणमा निर्देशक तथा श्रीमान निश्चल बस्नेतले सघाएका छन् । सिनेमाका कार्यकारी निर्माता फिरोज खड्का र शंकर पाण्डे हुन् ।
नयाँबानेश्वर काठमाण्डौ, नेपाल
01-5705310
सुचना तथा प्रशारण बिभाग दर्ता नं. : - २८३२ - ०७८/७९
Editor-in-Chief :
Bibek Aryal 9841065149
Desk Editor : Haribahadur Baniya
: Bikash Rauniyar