धादिङका रामनाथ अधिकारी कृषिमन्त्री नियुक्त हुँदै

काठमाडौं – धादिङका सांसद रामनाथ अधिकारी कृषि तथा पशुपन्छी विकास मन्त्रीमा नियुक्त हुँदैछन् ।

नेपाली कांग्रेसले केपी शर्मा ओली नेतृत्वको सरकारमा पठाउन मन्त्रीहरुको नामावलीमा शेखर कोईराला र गगन थापा समूहबाट अधिकारीलाई मन्त्री बनाउन सिफारिस गरेसंगै सभापती शेर बहादुर देउवाले अधिकारी कृषि तथा पशुपन्छी विकास मन्त्रीमा नियुक्त गर्न लागेका हुन् ।

शेखर गगन समूहले अधिकारीसहित अन्य मन्त्रीहरुको पनि नाम टुंगो लगाएको छ ।स्रोतका अनुसार प्रदीप पौडेल स्वास्थ्य तथा जनसंख्यामन्त्री बन्ने भएका छन् । त्यस्तै संस्कृति पर्यटन तथा नागरिक उड्ययन मन्त्रीमा सहमहामन्त्री बद्री पाण्डे बन्नेछन् ।