एमाले सचिवालय बैठक बस्दै : कांग्रेससंगको सत्ता सहकार्यबारे छलफल गर्ने

काठमाडौं – नेकपा एमालेको सचिवालय बैठक आज बस्दै छ ।

बैठक आज (मंगलवार) दिउँसो १ बजे पार्टी केन्द्रीय कार्यालय च्यासलमा बस्नेछ । बैठकमा गत सोमबार भएको कांग्रेस – एमालेबीचको सत्ता सहकार्यसम्बन्धी सहमतिबारे छलफल हुने बताइएको छ । त्यस्तै, बैठकमा नेताहरूको कार्य विभाजन लगायतका विषयमा छलफल हुने कार्यसूची रहेको छ ।

गत सोमबार एमाले र कांग्रेसबिच सुरुवाती चरणमा सरकारको नेतृत्व एमालेले गर्ने र चुनावी सरकारको नेतृत्व कांग्रेसले गर्ने सहमति भएको थियो ।