खोला तर्ने क्रममा बगाएर एक जनाको मृत्यु

काभ्रे – काभ्रेको रोशी गाउँपालिकाको सानो भुक्देउ खोला तर्ने क्रममा बगाएर एक जनाको मृत्यु भएको छ ।

आइतबार साँझ ७ बजेको समयमा काभ्रे जिल्लाको रोशी गाउँपालिका– १ सानो भुक्देउस्थित सोही ठाउँ बस्ने वर्ष ४५ का कमल विकलगायत उनकी श्रीमती, छोरी गाँउबाट घर जाँदै गर्दा सानो भुक्देउ खोला तर्ने क्रममा खोलाले बगाउँदा श्रीमान कमल विक बगाएको र हराइरहेकोमा बिहान स्थानीयले खोजी गर्दै जाने क्रममा २ किलोमिटर तल खोला बगरमा मृत अवस्थामा फेला परेको बताइएको छ ।

यस विषयमा प्रहरीलाई सोही वडाका वडाध्यक्षमार्फत जानकारी प्राप्त हुनसाथ प्रहरी टोली खटिएको र घटनाबारे थप अनुसन्धान भइरहेको प्रहरीले जनाएको छ ।