२०८१ भाद्र २३, आईतबार
काठमाडौं – २८ असारमा रिलिज हुने नेपाली चलचित्र ‘घरज्वाइँ’को दोस्रो गीत ‘यानीमाया’ सार्वजनिक भएको छ । शनिवार युट्युबमा सार्वजनिक भएको गीतमा चलचित्रका मुख्य कलाकार दयाहाङ राई र मिरुना मगर पिचर्ड छन् ।
गीतमा हर्क साउदको शब्द रचना तथा मनोज थापा मगरको संगीत तथा स्वर रहेको छ । यही गीतको रिदममा सिनेमाको पार्श्व संगीत तयार गरिएको बताइएको छ । यस चलचित्रका निर्देशक अनिल बुढामगर हुन् । निर्माता जनक घर्ती मगर हुन् ।
मगर समुदायको संस्कार तथा संस्कृतिमा आधारित यो चलचित्र विश्वभर छरिएका नेपालीलाई मगर समुदायमा प्रचलित ‘घरज्वाइँ’ प्रथाको बारेमा जान्ने र बुझ्ने अवसर दिने निर्माता जनक घर्ती मगरले बताए । यस चलचित्रका निर्देशक अनिल बुढा मगर हन् । कथा निर्देशक बुढामगरले नै लेखेका हुन् भने पटकथा तथा संवाद लेखनमा भने विनोद खतिवडा र सुभाष कोइरालाले सघाएका छन् ।
पूर्वी रुकुम आसपासमा छायांकन गरिएको यस चलचित्रका छायाकार सुसन प्रजापति हुन् । जिएम मूभीज र एबीएम सिनेमा प्रोडक्सनको ब्यानरमा निर्माण भएको चलचित्रमा दयाहाङ र मिरुना सँगै बुद्धि तामाङ, पुष्कर गुरुङ, शिशिर बाङ्देल, भोलाराज सापकोटा, खड्कबहादुर पुन (खबपु), राज थापा, कविता आले, शिला आले, अनु थापा, बिना थापा मगर, सोनाम लामा, बिबेश बुढा मगर, सुनिल मगरको अभिनय छ। आरआर फिल्मसले वितरण गर्दैछ ।
नयाँबानेश्वर काठमाण्डौ, नेपाल
01-5705310
सुचना तथा प्रशारण बिभाग दर्ता नं. : - २८३२ - ०७८/७९
Editor-in-Chief :
Bibek Aryal 9841065149
Desk Editor : Haribahadur Baniya
: Bikash Rauniyar