महाकाली नदीमा बेपत्ता एक किशोरीको शव फेला, एकको खोजीकार्य जारी

बैतडी – बैतडी जिल्लाको शिवनाथ गाउँपालिका–१ कुस्मौता गडामुखस्थित महाकाली नदीमा बेपत्ता भएका दुई किशोरीमध्ये एक जनाको शव सशस्त्र प्रहरीले शनिबार फेला पारेको छ । ।

सोही गाउँपालिकाको स्वाला बस्ने १३ वर्षीया रजनी चाड र १२ वर्षीया अस्मिता चाड महाकाली नदीमा नुहाउने क्रममा बेपत्ता भएका थिए । घटनाको जानकारीपछि सशस्त्र प्रहरी बल नेपाल बोर्डर आउट पोष्ट कुस्मौताघाटबाट खटिएको सुरक्षा फौजले रजनी चाडको शव फेला पारेको हो ।बेपत्ता अस्मिता चाडको भने खोजी कार्य भइरहेको सशस्त्र प्रहरीका सह प्रवक्ता डीएसपी शैलेन्द्र थापाले बताए ।