आइजिआई प्रुडेन्सियलको मोबाइल एप्स शुभारम्भ

काठमाडौँ – आइजिआई प्रुडेन्सियल इन्स्योरेन्स लिमिटेडले अनलाइन पोर्टल तथा मोबाइल एप्सको सुरुआत गरेको छ ।

नेपाल बिमा प्राधिकरणका अध्यक्ष सूर्यप्रसाद सिलवाल, कम्पनीका अध्यक्ष हेमराज ढकाल र प्रमुख कार्यकारी अधिकृत युगेशभक्त बादे श्रेष्ठले संयुक्त रूपमा मोबाइल एप्सको सुरुआत गरेका हुन् ।

कम्पनीले छिटो र छरितो तरिकाबाट बिमा सेवा प्रदान गर्ने उद्देश्यले अनलाइन पोर्टल तथा मोबाइल एप्सको शुभारम्भ गरेको हो । ग्राहकलाई सहज, सरल माध्यमबाट बिमासेवा उपलब्ध गराउने उद्देश्यले अनलाइन बिमालेख जारी गर्न सकिने गरी मोबाइल एप्सको एक कार्यक्रमको आयोजना गरी सुरु गरेको कम्पनीले जनाएको छ ।