चर्चित गायक जस्टिन टिम्बरलेक पक्राउ

न्युयोर्क – चर्चित गायक जस्टिन टिम्बरलेक न्युयोर्कबाट पक्राउ परेका छन् । टिम्बरलेकलाई मादक पदार्थ सेवन (मापसे) गरेर सवारी चलाएको आरोपमा पक्राउ गरिएको स्थानीय अधिकारीहरूले जानकारी दिएका छन् ।

सफोक काउन्टी डिस्ट्रिक अर्टोनी कार्यालयका अनुसार ४३ वर्षीय पप स्टारलाई पक्राउ गरी मंगलबार बिहान औपचारिक रूपमा मुद्दा दर्ता गरिएको छ । टिम्बरलेक हाम्पटोन्सको साग हार्बरमा रहेका थिए । गर्मी मौसममा यो ठाउँ सेलेब्रिटीहरूको रोजाइमा पर्ने गर्छ ।