महाधिवेशनका लागि आज देशभरबाट प्रतिनिधि चयन गर्दै एकीकृत समाजवादी

काठमाडौं – आगामी १६ देखि २० असारमा काठमाडौंमा हुने १० औ. राष्ट्रिय महाधिवेशनका लागि एकीकृत समाजवादीले आज बुधबार देशभर महाधिवेशन प्रतिनिधि चयन गर्दै छ ।

महाधिवेशनका लागी १ लाख ४६ हजार ७१४ संगठित सदस्यबाट एकीकृत समाजवादीले आज १ हजार ८४९ जना महाधिवेशन प्रतिनिधि चयन गर्न लागेको हो । तीमध्ये केन्द्रीय कमिटी २३४ र केन्द्रीय आयोगबाट १०४ जना स्वतः प्रतिनिधि चयन भैसकेका छन् ।

त्यस्तै उपत्यका प्रदेशबाट २३, सम्पर्क प्रदेशबाट २२, भारत प्रवासबाट ८, अन्य प्रवासबाट १५, मजदुर विषेष आरक्षणबाट २०, विभाग तथा फाँटबाट ३२, विभिन्न महासंघहरुबाट ८५, जनसंगठनहरुबाट ५६, कम्युनिष्ट मंच, केन्द्रिय सल्लाहकार परिषद् तथा जेष्ठबाट १० जना प्रतिनिधी रहने एककिृत समाजवादीले जनाएको छ ।