सशस्त्र प्रहरी प्रधान कार्यालयमा योग विज्ञान शिविर सञ्चालन

काठमाडौं – सशस्त्र प्रहरी बल नेपालको आयोजनामा पतंजली योग समितिले कार्यालय हल्चोकस्थित नेपाल एपीएफ रंगशालामा योग विज्ञान शिविर सञ्चालन गरेको छ ।

मंगलबार ‘१०औँ अन्तर्राष्ट्रिय योग दिवस’का अवसरमा सशस्त्र प्रहरी महानिरीक्षक राजु अर्यालको प्रमुख आतिथ्यमा सम्पन्न भएको योग विज्ञान शिविरमा अवकाश प्राप्त सशस्त्र प्रहरी महानिरीक्षक, सशस्त्र प्रहरी अतिरिक्त महानिरीक्षकहरु, सशस्त्र प्रहरी परिवार महिला संघका पदाधिकारी, पतंजली योग समितिका पदाधिकारीलगायत सशस्त्र प्रहरी बल नेपालका वरिष्ठ अधिकृत, सिनियर तथा जुनियर अधिकृत तथा विल्लादार जवानहरुको समेत उपस्थिती रहेको थियो ।