नुहाउने क्रममा करेन्ट लागेर एक किशोरको मृत्यु

काठमाडौं– नुहाउने क्रममा करेन्ट लागेर एक जना किशोरको मृत्यु भएको छ । बर्दियाको मधुबन नगरपालिका–७ भन्सार टोल बस्ने १४ वर्षीय आयुश कर्णको करेन्ट लागेर सोमबार दिउँसो मृत्यु भएको हो ।

आफ्नै घर पछाडि सिँचाइ गर्नका लागि बनाएको बोरिङमा मोटर जडान गरी नुहाउने क्रममा अचानक करेन्ट लागेर उनी गम्भीर घाइते भएका थिए ।

उनको बर्दिया अस्पताल गुलरियामा उपचारको क्रममा मृत्यु भएको हो ।