सुनको मूल्यमा सामान्य गिरावट

काठमाडौं– आज सुनको मूल्य सामान्य घटेर तोलामा १ लाख ४२ हजार रुपैयाँ कायम भएको छ ।

नेपाल सुनचाँदी व्यवसायी महासंघका अनुसार शुक्रबार तोलामा १ लाख ४२ हजार २ सय रुपैयाँमा कारोबार भएको छापावाल सुन आज भने तोलामा सामान्य घटेर १ लाख ४२ हजार रुपैयाँमा कारोबार भएको हो ।

यस्तै तेजावी सुन तोलामा १ लाख ४१ हजार ३ सय रुपैयाँमा कारोबार भएको महासंघले जनाएको छ ।

यस्तै आज चाँदीको मूल्य पनि घटेको छ । शुक्रबार तोलामा १ हजार ८७५ रुपैयाँमा कारोबार भएको चाँदी आज घटेर तोलामा १ हजार ८५० रुपैयाँमा कारोबार भएको हो ।