नारायणगढ मुग्लिन सडक खण्डको १७ किलोमा सवारी दुर्घटना : २२ जना घाइते

चितवन – नारायणगढ मुग्लिन सडक खण्ड अन्र्तगत चितवनको भरतपुर महानगरपालिका – २९ स्थित १७ किलोमा सवारी दुर्घटना हुँदा २२ जना घाइते भएका छन् ।

गए राति काठमाडौँबाट प्युठानतर्फ जाँदै गरेको बा ४ ख ९०८६ नम्बरको बस, नारायणगढबाट मुग्लिनतर्फ जाँदै गरेको ना ३ ख ७९१५ नम्बरको डिब्बा ट्रक, काठमाडौँबाट बर्दिबास जाँदै गरेको ना ७ ख ३२४८ नम्बरको बस र वीरगन्जबाट काठमाडौँ आउँदै गरेको ना ६ ख ८९६८ नम्बरको बस आपसमा ठोक्किएको हो । उक्त दुर्घटनामा १७ वर्षीय किशोरको मृत्यु भएको प्रहरीले जनाएको छ ।

यद्धपी मृतकको सनाखत नभएको जिल्ला प्रहरी कार्यालय चितवनका डीएसपी भेषराज रिजालले जानकारी दिए । त्यस्तै घाइतेहरूमध्ये ५ जनाको अवस्था गम्भीर, १३ जनाको मध्यम र ३ जनाको अवस्था सामान्य रहेको डीएसपी रिजालले जनाए ।