मंगलबार दिउँसो बजेट भाषण

काठमाडौं – आँउदो मंगलबार दिउँसो सरकारले आर्थिक वर्ष २०८१/०८२ को बार्षिक बजेट ल्याउने भएको छ ।

प्रतिनिधिसभाका सभामुख देवराज घिमिरेले बजेट वक्तव्यका लागि मंगलबार दिउँसो १ बजे सङ्घीय संसदको संयुक्त बैठक बोलाइएको जानकारी गराएका हुन् ।

घिमिरेले बैठकमा सहभागिताका लागि पौने १ बजेभित्रै संसद् भवन प्रवेश गरिसक्न सांसदहरूलाई अनुरोध गरेका छन् ।

बजेट भाषणपछि दिउँसो ४ बजे पुनः प्रतिनिधिसभाको बैठक बस्ने पनि सभामुखले जानकारी गराएका छन् ।