२०८१ मंसिर ७, शुक्रबार

जनमत पार्टीद्वारा आन्दोलनको घोषणा

शुभयुग संवाददाताप्रकाशित मिति: २०८१ जेष्ठ १३, आईतबार (६ महिना अघि)

१४६ पाठक संख्या

धनुषा – गणतन्त्र दिवसको अवसरमा जनमत पार्टीले आन्दोलनको घोषणा गरेको छ । गणतन्त्र दिवसको अवसर पारेर नौलो गणतन्त्रका लागि नारा दिए पार्टीले जेठ १५ गते काठमाडौँको भृकुटीमण्डपमा विशाल आमसभाको आयोजना गर्ने भएको छ ।

कार्यक्रमका लागि जनमत पार्टीका अध्यक्ष राउतले देशभरबाट पार्टीका नेता, कार्यकर्ता तथा सर्वसाधारणलाई नेपाल आउन आह्वान गरेका छन् । पार्टीले कार्यक्रमको बारेमा सबैभन्दा बढी प्रचार काठमाडौँ उपत्यकामा गरिरहेको छ । यसका लागि अध्यक्ष राउत आफैँ पनि खटिएका छन् ।बढीभन्दा बढी मान्छे काठमाडौँ उपत्यकाकै होस् भन्ने उनको लक्ष्य रहेको छ । प्रचार प्रसारका लागि पार्टीका नेता तथा कार्यकर्तालाई उनले परिचालन उनले गरेका छन् । यद्यपि, उपत्यकाबाट मात्र नपुग्ने भएपछि बाहिरी जिल्लाबाट पनि नेता तथा कार्यकर्तालाई काठमाडौँ उतार्ने तयारी भइरहेको छ । यसमध्ये सबैभन्दा बढी मधेस प्रदेशबाट आउने बताइएको छ ।