संसदमा विपक्षी दलको बैठक सुरु

काठमाडौं – नयाँ बानेश्वरस्थित संसद भवनमा विपक्षी दलको बैठक सुरु भएको छ ।

संसद् भवनमा रहेको कांग्रेस सभापति शेरबहादुर देउवाको कार्यकक्षमा विपक्षी दलको बैठक सुरु भएको हो । बैठकमा कांग्रेस, राष्ट्रिय प्रजातन्त्र पार्टी, जनता समाजवादी पार्टी नेपाल, लोकतान्त्रिक समाजवादी पार्टी र राष्ट्रिय जनमोर्चाका नेताहरू सहभागी छन् ।

सहकारी ठगीमा संसदीय छानबिन समितिको माग गर्दै विपक्षीहरूले संसद् अवरोध गर्दै आएका छन् । आजको प्रतिनिधिसभा बैठकको रणनीति तय गर्न विपक्षी दलको बैठक बसेको कांग्रेस श्रोतले बताएको छ ।