एमालेका सुहाङ कांग्रेसका खड्काभन्दा २ हजार ८ सय ५३ मतले अगाडि

काठमाडौं– इलाम–२ मा २३ हजारभन्दा बढी मत गणना हुँदा नेकपा एमालेका उम्मेदवार सुहाङ नेम्वाङले ९ हजार मत कटाएका छन् । पछिल्लो मतपरिणाम अनुसार सुहाङले ९ हजार ४ सय ८४ र कांग्रेसका डम्बरबहादुर खड्काले ६ हजार ६ सय ३१ मत प्राप्त गरेका छन् ।

यस्तै पहिचान पक्षधर स्वतन्त्र उम्मेदवार डकेन्द्रसिंह थेगिमको ४ हजार ९ सय ५१ र राष्टिय स्वतन्त्र पार्टीका मिलन लिम्बुको १ हजार ४ सय १ मत आएको छ । एकीकृत समाजवादीका जीतबहादुर राईको दुई सय ५५ र राप्रपाका लक्ष्मी गुरुङको ५० मत आएको छ ।

इलाम २ मा शनिवार भएको मतदानमा ६९ हजार दुई सय ८७ जनाले मतदान गरेका थिए ।