इलाम–२ मा ५७ प्रतिशत मत खस्यो

काठमाडौं– इलाम– २ को उपनिर्वाचन शान्तिपूर्ण रुपमा सम्पन्न भएको छ ।

१ लाख १५ हजार ८८९ मतदाता रहेको इलाम– २ मा ५७ प्रतिशत मत खसेको मुख्य निर्वाचन अधिकृत केशवप्रसाद घिमिरेले जानकारी दिए । उनका अनुसार करिब ६६ हजारले मतदान गरेका छन् ।

मतगणना आज नै सुरु गर्ने तयारी छ । आज अपरान्ह ५ बजेसम्म मतगणनाको समय तोकिए पनि लाइन लागेकाहरु सबैले मतदान गर्दा केही समय लाग्नेछ । त्यसपछि सबै मतदान केन्द्रबाट सदरमुकाम इलाम बजारमा मतपेटिका ल्याइने प्रमुख जिल्ला अधिकारी इन्द्रदेव यादवले बताए ।