भारतको नैनीतालमा गाडी दुर्घटना हुँदा ७ नेपालीको मृत्यु

काठमाडौं– भारतको नैनिताल नजिकैको बेतालघाट क्षेत्रमा एक पिक अप दुर्घटना हुँदा सात नेपाली मजदुरको मृत्यु भएको छ ।

भारतीय मिडियाहरुले मल्ल गाउँस्थित उन्चकोट मोटर सडकमा पिकअप दुई सय मिटर गहिरो खाल्डोमा खसेको बताएका छन् ।

वान इण्डियाका अनुसार दुर्घटनामा ७ नेपालीसहित ८ जनाको मृत्यु भएको छ ।

उक्त क्षेत्रमा खानेपानीको लाइन बिछ्याउने काम सकेर सबैजना फर्कंदै गर्दा उक्त दुर्घटना भएको हो । दुर्घटनामा ज्यान गुमाएका नेपाली मजदुरको नाम र घर भने खुल्न नसकेको प्रहरीले बताएको छ ।