विराट गोल्डकपको उपाधिका लागि आज मछिन्द्र र सांग्रिला मोरङ खेल्दै

काठमाडौं– आठौं संस्करणको विराट गोल्डकप फुटबलको उपाधिका लागि आज ए डिभिजन टोली मछिन्द्र क्लब र घरेलु टोली सांग्रिला मोरङ क्लब खेल्दैछन् । फाइनल खेल विराटनगरको शहिद रङ्गशालामा बेलुका पौने ७ बजे सुरु हुनेछ ।

मछिन्द्र क्लब विराट गोल्डकपमा पहिलोपटक फाइनलमा पुगेको पुगेको हो । सांग्रिला मोरङले तेस्रोपटक फाइनल खेल्दैछ ।

गएको चैत १५ गतेदेखि सुरु भएको प्रतियोगितामा तीन विदेशीसहित १० टोलीको सहभागिता थियो । विराट गोल्डकपको विजेताले ११ लाख र उपविजेता टोलीले ५ लाख ५० हजार रुपैयाँ प्राप्त गर्नेछ ।