कांग्रेस सांसद जीवनबहादुर शाही निलम्बित

काठमाडौं – नेपाली कांग्रेस कर्णाली प्रदेश संसदीय दलका नेता तथा सांसद जीवनबहादुर शाही निलम्बित भएका छन् ।

अख्तियार दुरुपयोग अनुसन्धान आयोगले भ्रष्टाचार मुद्दा विशेष अदालतमा दर्ता गरेपछि शाही निलम्बित भएका हुन् । दुई वटा वाइडवडी विमान खरिदमा भ्रष्टचार गरेको भन्दै अख्तियारले पूर्वपर्यटन मन्त्रीसमेत रहेका शाहीसहित ३२ जनालाई मुद्दा दर्ता गरेको छ ।

वाइडवडी खरिदमा १  अर्ब  ४७ करोड  रुपैयाँ भ्रष्टचार भएको दाबी अख्तियारले गरेको छ ।  भ्रष्टचार निवारण ऐन, २०५८ अख्तियार दुरुपयोग अनुसन्धान आयोग, २०४८ मा भएको  व्यवस्था  अनुसार  सार्वजनिक पदमा भएको व्यक्तिविरुद्ध मुद्दा दर्ता भएमा स्वतः निलम्बन पर्ने व्यवस्था छ ।

शाही २०७९ मंसिरमा भएको निर्वाचनमा हुम्ला प्रदेशसभा २ बाट निर्वाचित भएका थिए ।