गाजामा तीन जना सहायताकर्मीसहित चार जनाको मृत्यु

एजेन्सी– मध्य गाजामा तीन जना सहायताकर्मीसहित चार जनाको ज्यान गएको छ । दुई जना बेलायती र एक जना अस्ट्रेलियाली सहायताकर्मी तथा एक सुरक्षाकर्मीको ज्यान गएको हो ।

हमास लडाकु समूहले मध्य गाजामा इजरायली हवाई आक्रमणबाट उनीहरूको ज्यान गएको बताएको बीबीसीले उल्लेख गरेको छ ।

मध्य गाजा पट्टीको देइर अल–बालाह शहरमा इजरायली हवाई आक्रमणमा कम्तीमा तीन विदेशीको ज्यान गएको गाजामा हमासद्वारा सञ्चालित मिडिया कार्यालयको भनाइ छ । तर इजरायलको सेनाले घटनाबारे समीक्षा गरिरहेको बताएको छ ।