समाजवादी मोर्चामा एमाले सहभागी नहुने

काठमाडौं – नेकपा एमाले समाजवादी मोर्चामा सहभागी नहुने भएको छ ।

शुक्रबार प्रधानमन्त्री पुष्पकमल दाहाल प्रचण्ड र नेकपा एमाले अध्यक्ष केपी शर्मा ओलीबिच भएको भेटवार्तापछि सञ्चारकर्मीहरुसंगको कुराकानीमा ओलीले एमाले समाजवादी मोर्चामा सहभागी नहुने बताएका हुन् । सञ्चारकर्मीहरुसंगको कुराकानीमा ओलीले प्रधानमन्त्रीसँग समसामयिक विषयमा राम्रो कुराकानी भएको बताए ।

‘समसामयिक विषयमा प्रधानमन्त्रीजीसँग राम्रो कुराकानी भयो’, ओलीले छोटकरीमा जवाफ दिए । त्यसै क्रममा एमाले समाजवादी मोर्चामा सहभागी हुने हो रु भन्ने सञ्चारकर्मीको जिज्ञासामा ओलीले ‘होइनु भन्ने जवाफ दिए ।

शुक्रबार बिहान समाजवादी मोर्चाको बैठकले एमालेलाई पनि मोर्चामा सहभागी गराउन अध्यक्ष ओलीसँग छलफल गर्ने निर्णय गरेको थियो ।