प्रभु बैंकको साढे ३ लाख कित्ता सेयर बिक्रीमा

काठमाडौं– प्रभु बैंकको करिब साढे ३ लाख कित्ता सेयर बिक्रीमा राखिएको छ । विभिन्न संस्थापक सेयरधनीहरुको नाममा रहेको ३ लाख ४७ हजार १२५ कित्ता सेयर बिक्रीमा राखिएको छ ।

बिक्रीमा राखिएको सेयरमा हाललाई प्रभु बैंकका विद्यमान संस्थापक सेयरधनीहरुले मात्रै खरिद आवेदन दिन पाउनेछन् । यसका लागि ३५ दिनको म्याद दिइएको छ ।

इच्छुक संस्थापक सेयरधनीहरुले काठमाडौंको बबरमहलस्थित बैंकको केन्द्रीय कार्यालयमा सेयर खरिदका लागि निवेदन दिनुपर्नेछ ।