धादिङमा चितुवाको आक्रमणबाट ४ जना घाइते

काठमाडौं– धादिङको नीलकण्ठ नगरपालिका –७ मा चितुवाको आक्रमणबाट चारजना घाइते भएका छन् ।

वडाध्यक्ष गौतमहरि अधिकारीका अनुसार आज बिहान चितुवाले कुकुरलाई खाइरहेको देखेपछि स्थानीय दीपक श्रेष्ठले चितुवालाई भगाउन खोज्दा उनलाई आक्रमण गरेको थियो ।

अधिकारीका अनुसार चितुवाले विद्यालय पढाउन जान लागेकी एक शिक्षिका, एक जना वृद्ध र अर्को युवालाई समेत आक्रमण गरेर घाइते बनाएको छ । घाइते चारै जनाको जिल्ला अस्पताल धादिङमा उपचार भइरहेको छ ।