एकीकृत समाजवादीको सचिवालय बैठक बस्दै

काठमाडौं– नेकपा (एकीकृत समाजवादी) को सचिवालय बैठक बस्दैछ । आज दिउँसो तीन बजे सचिवालय बैठक बोलाइएको महासचिव घनश्याम भूसालले जानकारी दिए ।

उनका अनुसार पार्टीको पहिलो महाधिवेशनको तयारीका लागि सचिवालय बैठक बस्न लागेको हो ।

महाधिवेशनका लागि दस्तावेज तयार पार्न एकीकृत समाजवादीले पार्टी अध्यक्ष माधवकुमार नेपालसहित चार जना नेतालाई जिम्मा दिइसकेको छ ।
एकीकृत समाजवादीको पहिलो महाधिवेशन आगामी जेठ ३ गतेबाट सुरू हुँदैछ ।