होटलको छतबाट खसेर एक जनाको मृत्यु

काठमाडौं– सुर्खेतको वीरेन्द्रनगरमा होटलको छतबाट खसेर एकजनाको मृत्यु भएको छ । मृत्यु हुनेमा दैलेखको नौमुले गाउँपालिका–८, बस्ने ५१ बर्षीय दीपबहादुर चन्द रहेका छन् ।

वीरेन्द्रनगर–६, स्थित गोदाम लाइनमा रहेको नौलो होटेलको पहिलो तलाबाट खसेर उनको मृत्यु भएको हो । जिल्ला प्रहरी कार्यालय सुर्खेतका (एसपी) एवम् प्रहरी उपरीक्षक रुपेश खड्काका अनुसार प्रहरीलाई आज बिहान ८ः ३० बजे जानकारी गराइएको थियो ।

घटनाबारे थप अनुसन्धान भइरहेको उनले बताए ।