स्थगित प्रतिनिधि सभा बैठक पुनः सुरु: सांसदहरूले उठाएको विषयमा जवाफ दिन सरकारलाई सभामुखको रुलिङ

काठमाडौं– सभामुख देवराज घिमिरेले सांसदहरूले उठाएका विषयहरूमा सभाको आगामी बैठकमा जवाफ दिन नेपाल सरकारलाई रुलिङ गरेका छन् ।

रुलिङ भएसँगै १५ मिनेटका लागि स्थगित भएको प्रतिनिधि सभा बैठक पुनः सुरु भएको छ ।

सरकारलाई रुलिङ गर्दै सभामुख घिमिरेले सांसदले उठाएको विषयमा गम्भीर ध्यानाकर्षण भएको भन्दै आगामी बैठकमा जवाफ दिन सरकारलाई निर्देशन दिएका छन् ।

यस अघिको बैठकमा प्रमुख प्रतिपक्ष दल नेकपा (एमाले)ले विवादित मन्त्रीहरूको राजीनामाको माग गरेका थिए ।