एमाले केन्द्रीय कमिटी बैठकका लागि ६ कार्यसूची तय

काठमाडौं– नेकपा एमालेले केन्द्रीय कमिटी बैठकको कार्यसूची तय गरेको छ ।

एमाले प्रचार विभाग प्रमुख राजेन्द्र गौतमले केन्द्रीय कमिटी बैठकका लागि ६ वटा कार्यसूची तय गरिएको जानकारी दि । उनका अनुुसार बैठकमा पार्टी अध्यक्ष केपी शर्मा ओलीले देशको समसामयिक राजनीतिक परिस्थितिबारे सम्बोधन गर्नेछन् ।

यसैगरी, कार्यसूचीमा पार्टी निर्माणमा देखिएका समस्या र समाधानका उपाय, जनपरिचालन र दबाबको एजेन्डा तथा समसामयिक प्रस्ताव रहेका प्रचार विभाग प्रमुख गौतमले बताए ।

एमालेको सातौं केन्द्रीय कमिटी बैठक आजदेखि सुरु भएको छ । ललितपुरको च्यासलमा रहेको पार्टी मुख्यालयमा बैठक पर्सि १० गतेसम्म चल्नेछ ।