तनहुँमा जन्ती बोकेको जीप दुर्घटना हुँदा २ जनाको मृत्यु

आँबुखैरेनी – तनहुँमा जन्ती बोकेको जीप दुर्घटना हुँदा दुई जनाको मृत्यु भएको छ ।

आज सोमवार बिहान तनहुँको आँबुखैरेनी गाउँपालिका–१ गिरौनचोरस्थित भित्री सडकखण्डमा बा१८च ५९२१ नम्बरको जीप दुर्घटना हुँदा दुई जनाको मृत्यु भएको हो । दुर्घटनामा परी १६ जना घाईते भएको प्रहरीले जनाएको छ । मृत्यु हुनेको पहिचान हुन बाँकी रहेको जिल्ला प्रहरी कार्यालय तनहुँका प्रहरी नायब उपरीक्षक मोहनबहादुर खाँणले जानकारी दिए।

सडकबाट अनियन्त्रित भई सडकबाट अन्दाजी पाँच सय मिटर तल जीप खसेको एसपी खाँणले बताए । घाइतेको विभिन्न अस्पतालमा उपचार भइरहेको प्रहरीले जनाएको छ ।