मुगुको खत्याडमा आगलागीमा परेर दुई बालबालिकाको मृत्यु

काठमाडौं– मुगुको खत्याड गाउँपालिका–२ गोडेखोलामा आगलागी हुँदा दुई जनाको ज्यान गएको छ । गएराति भएको आगलागीबाट तीन वटा घर जलेका छन् ।

लालके संज्याल, दीपक संज्याल र सन्दीप संज्यालको घर पूर्ण रुपमा जलेको वडाअध्यक्ष हेमराज मल्लले जानकारी दिए ।

आगलागीबाट लालके संज्यालका छोरा १४ वर्षका विशाल संज्याल र छोरी १२ वर्षकी झरना संज्यालको ज्यान गएकोे छ ।