म्यानमारमा थपियो ६ महिना सङ्कटकाल

एजेन्सी– म्यानमारमा सङ्कटकाल ६ महिना थपिएको छ । राष्ट्रिय रक्षा र सुरक्षा परिषद्ले आपत्कालीन अवस्थालाई ६ महिना थप गर्ने निर्णय गरेको हो ।

कार्यवाहक राष्ट्रपति यु मिन्ट स्वेले एनडीएससीको बैठकमा आपत्कालीन अवस्था ६ महिना लम्ब्याइएको घोषणा गरेका छन् । देशको असामान्य परिस्थितिका कारण संविधानको धारा ४ सय २५ बमोजिम म्याद थप गरिएको उनको भनाइ छ ।

सन् २०२१ को सत्ता विद्रोहपछि आपत्कालको अवस्था पहिलो पटक घोषणा गरिएको थियो । त्यसबेलादेखि निरन्तर रूपमा लम्बिएको छ । संयुक्त राष्ट्रसंघका महासचिव एन्टोनियो गुटेर्रेसले म्यानमारमा सर्वसाधारण नागरिकको सुरक्षामा चिन्ता व्यक्त गरेका छन् ।