रूखबाट लडेर दाङमा एक महिलाको मृत्यु

काठमाडौं– दाङमा रुखबाट लडेर एक महिलाको मृत्यु भएको छ ।

जिल्लाको तुलसीपुर उपमहानगरपालिका– १३ बखरियामा रुखबाट लडेर ६५ वर्षीया शितली कुसारीको मृत्यु भएको जिल्ला प्रहरी प्रवक्ता डिएसपी जनकबहादुर मल्लले जानकारी दिए ।

स्थानीय देविराम कुसारीका अनुसार सितला शनिबार बेलुका ७ बजेतिर घर नजिकैको जंगलमा स्याउला काट्न गएकी उनी अबेरसम्म घर नआए पछि जंगलमा खोज्न जाँदा घाइते अवस्थामा फेला परेकी थिइन् ।

घाइते सितलीलाई तुलसीपुरस्थित तुलसीपुर सिटी हस्पिटलमा लगिएको थियो । त्यहाँ उपचार सम्भव नभएपछि नेपालगन्ज लैजाने तयारी गर्दै गर्दा मृत्यु भएको आफन्तले जानकारी दिएका छन् ।