हज समितिको अध्यक्षमा शमशेर मियाँको पुनर्बहाली

काठमाडौं – नेपाल हज समितिको अध्यक्षमा शमशेर मियाँ पुनर्बहाली भएका छन् ।

नक्कली भुटानी शरणार्थी शरणार्थी प्रकरणमा जोडिएका मियाँलाई शुक्रबार उच्च अदालत पाटनले हज समितिको अध्यक्षका रूपमा कामकाज गर्न गराउन अन्तरिम आदेश दिएको थियो । त्यसलगत्तै उनको पुनर्बहाली गरिएको हो ।

उनी पक्राउ परेपछि मकबुल मियाँ कार्यवाहक अध्यक्ष बनेका थिए । नक्कली भुटानी शरणार्थी प्रकरणमा सामेल समूहले उनको गाडीलाई रकम ओसारपसारमा प्रयोग गरेको अभियोग लागेको थियो ।

जिल्ला अदालत काठमाडौँले मियाँलाई पुर्पक्षका लागि थुनामा पठाए पनि उच्च अदालतले १० लाख रुपैयाँ धरौटीमा छोड्न आदेश दिएको थियो । धरौटीमा छुटेपछि पुस २९ गते उनी पुनर्बहालीको मागसहित उच्च अदालत पुगेका थिए ।