पुस १५ गते बृहत् च्याउ प्रदर्शनी मेला हुने

काठमाडौं– ललितपुरमा बृहत् च्याउ प्रदर्शनी तथा परिकार महोत्सव हुने भएको छ ।

ललितपुरको जावलाखेल यूथ क्लब खेल मैदानमा ‘देशभरिका च्याउ किसानहरु एक हौं’ भन्ने नाराका साथ पुस १५ गते सो महोत्सव आयोजना हुने भएको हो । पुस १५ गते राष्ट्रिय च्याउ दिवसको अवसरमा च्याउ उत्पादक किसान संघ नेपाल केन्द्रीय समितिले सो महोत्सव आयोजना गर्न लागेको छ ।

मेलाको मुख्य उद्धेश्य च्याउ किसानलाई जागरुक र व्यावसायिक उत्पादनमा आत्मनिर्भर बनाउन प्रोत्साहन गर्ने आयोजकले जनाएको छ ।

मेला बिहान १० देखि साँझ ६ बजेसम्म हुने छ ।