काठमाडौं महानगरले सहायता कक्षमा दोभासे राख्ने

काठमाडौं– काठमाडौं महानगरपालिकाले केन्द्रीय कार्यालयमा रहेको सहायता कक्षमा साङ्केतिक भाषाको अनुवादक (दोभासे) राख्ने भएको छ । बुझाइका कारण कुनै पनि सेवाग्राही सेवाबाट वञ्चित हुनु नपरोस् भनेर काठमाडौं महानगरले दोभासे राख्न लागेको हो ।

’नागरिकलाई समावेशी र पहुँचयुक्त सरकारको प्रत्याभूति गर्न हामीले सामाजिक क्षेत्रका कार्यक्रममा विशेष प्राथमिकता दिएका छौं,’काठमाडौं महानगरपालिका सामाजिक समिति संयोजक रामकुमार केसीले भने ।

उनका अनुसार साङ्केतिक भाषामा मात्र कुरा बुझ्ने सेवाग्राहीले महानगरको सेवाबाट वञ्चित हुन नपरोस् भनेर यस्तो किसिमको व्यवस्था गर्न लागिएको हो ।