बारामा बस र ट्रक आपसमा ठोक्किदाँ ३ जनाको मृत्यु, २७ जना घाइते

काठमाडौं– बारामा बस र ट्रक आपसमा ठोक्किदा ३ जनाको मृत्यु भएको छ । २७ जना घाइते भएका छन् ।

काकड्भिट्टाबाट काठमाडौंका लागि गुडेको बा ३–००१ ख २५८७ नम्बरको बस र हेटांैडाबाट पथलैयातर्फ जाँदै गरेको ना ७ ख ७३०० नम्बरको ट्रक आज बुधबार बिहान २ बजे बाराको अमलेखगन्जमा एक आपसमा ठोक्किएर दुर्घटना भएको हो ।

बारा प्रहरीका अनुसार दुर्घटनामा परि ट्रक चालक तनहुँ घर भएका २८ वर्षीय पूर्ण गुरुङ र मकवानपुर हेटौंडाका बस चालक ४० वर्षीय हरि शमशेर सुयाल थापा र अर्का सनाखत हुन नसकेका एक पुरुषको हेटौंडा सरकारी अस्पतालमा उपचारको क्रममा मृत्यु भएको हो ।

बाँकी घाइतेमध्ये ७ जनाको अवस्था गम्भीर रहेकाले उपचारका लागि हेटौंडा तथा चितवन मेडिकल कलेज पठाइएको र अन्य २० जना सामान्य घाइतेको स्थानीय अस्पतालहरूमा उपचार भइरहेको प्रहरीले जनाएको छ ।