प्रधानमन्त्रीद्वारा ‘एक्सन रुम’ बाट दुई सडक आयोजनाको अनुगमन

काठमाडौं– प्रधानमन्त्री पुष्पकमल दाहाल प्रचण्डले सिंहदरबारस्थित कार्यालयमा रहेको ‘एक्सन रुम’ बाट दुई सडक आयोजनाको अनुगमन गरेका छन् ।

सोमबार दिउँसो उनले नारायणघाट–बुटवल सडक र मुग्लिङ–पोखरा सडक आयोजनाको भर्चुअल अनुगमन गरेका हुन् ।

विगत लामो समयदेखि निर्माणाधीन रहेका यी दुवै सडक आयोजना ठेकदारको ढिलासुस्तीका कारण निर्माण सम्पन्न भएको छैन ।

सडक निर्माण काममा ढिलासुस्ती हुँदै आएको गुनासो प्रधानमन्त्री कार्यालयसम्म पुगेपछि प्रधानमन्त्री प्रचण्डले एक्सन रुमबाट अनुगमन गरेका हुन् ।