पत्रकार महेन्द्र पाण्डेको निधन

काठमाडौं– पत्रकार महेन्द्रप्रसाद पाण्डेको बिहीबार निधन भएको छ ।

५३ वर्षीय पाण्डे विवाह समारोहमा भएका बेला वान्ता भएर असहज भएपछि उनलाई अस्पताल लैजाँदै गर्दा बाटैमा मृत्यु भएको हो ।

पाण्डेको शव पोस्टमार्टमका लागि त्रिवि शिक्षण अस्पतालमा राखिएको छ । मृत्युको कारण भने पोस्टमार्टमपछि मात्र पत्ता लाग्ने चिकित्सकले बताएका छन् ।

पाण्डे ‘रिपोर्ट नेपाल’ अनलाइनमा सम्पादकका रुपमा कार्यरत थिए ।